კონკურსი საზოგადოებრივ მაუწყებელში

გამოქვეყნებულია: 2017-03-23, 22:15

რამდენი გადაცემა იქნება საზოგადოებრივი მაუწყებლის ეთერში სექტემბრიდან და რა მიმართულებებს შეეხება კონკურსი, რომელიც 2 აპრილს გამოცხადდება; ვის ექნება კონკურსში მონაწილეობის მიღების შესაძლებლობა, ვინ იქნება კონკურსის ჟიური და როგორია მაუწყებლის მენეჯმენტის პოზიცია ბოლო ორი კვირის განმავლობაში საზოგადოებრივ მაუწყებელთან დაკავშირებულ სხვა აქტუალურ კითხვებთან - მათ შორის მაუწყებელში ტელეკომპანია „ჯი-დი-ეს“-ის ყოფილი ჟურნალისტების მიღებასთან დაკავშირებით?

სტუმარი: ია ანთაძე - საზოგადოებრივი მაუწყებლის გენერალური დირექტორის მრჩეველი;

წამყვანი: ზვიად ავალიანი

გიორგი გაჩეჩილაძე მიმდინარე აქტუალური პოლიტიკური თემების შესახებ / ეკოლოგიური მდგომარეობა და პარლამენტი

როგორ აფასებს საკონსტიტუციო რეფორმას და სხვა მიმდინარე აქტუალურ პოლიტიკურ პროცესებს ფრაქცია „ქართული ოცნება-მწვანეების“ ლიდერი გიორგი გაჩეჩილაძე და როგორია „მწვანეების“ პოზიცია ბოლო პერიოდში მედიაში გახშირებულ ცნობებთან დაკავშირებით, სადაც საქართველოში არსებულ მძიმე ეკოლოგიურ სურათზეა საუბარი; რა გაკეთდა რეალურად ბოლო 4 წლის განმავლობაში საკანონმდებლო დონეზე ქვეყანაში ეკოლოგიური მდგომარეობის გასაუმჯობესებლად და რამდენად უსაფრთხოა საქართველოში ის, რაც სასიცოცხლოდ მნიშვნელოვანია თითოეული ჩვენგანისთვის?სტუმარი: გიორგი გაჩეჩილაძე - ფრაქცია „ქართული ოცნება -მწვანეების“ თავმჯდომარე წამყვანი: ზვიად ავალიანი

სამშვიდობო შეთანხმება სირიაში; ISIS-ის დასასრული?; ახლო აღმოსავლეთის მიმოხილვა

დასრულდება თუ არა ე.წ „ისლამური სახელმწიფოს“ ისტორია მისი ლიდერის, აბუ ბაქრ ალ-ბაღდადის ლიკვიდაციით და როგორი შეიძლება იყოს სირიის, ერაყისა და ზოგადად ახლო აღმოსავლეთის მომავალი “ისლამური სახელმწიფოს” შემდეგ; რამდენად სტაბილური აღმოჩნდება სამშვიდობო შეთანხმება სირიასთან დაკავშირებით და ნიშნავს თუ არა ეს შეთანხმება სირიის ფორმალური დაშლის დასაწყისს; რა შეცვალა ახლო აღმოსავლეთში დიდი ოცეულის სამიტმა, რა პოზიციას დაიკავებენ სირიასთან მიმართებაში რეგიონის ძლიერი მოთამაშეები და რა გავლენა ექნება ახლო აღმოსავლეთში შექმნილ ახალ რეალობას საქართველოზე?სტუმრები: შოთა თხელიძე – საზოგადოებრივი მაუწყებლის ანალიტიკოსი; სოსო ზაალიშვილი – ექსპერტი ახლო აღმოსავლეთის საკითხებში.

საკონსტიტუციო რეფორმა: არასაპარლამენტო სპექტრის პოზიცია მმართველი გუნდის შეთავაზებაზე

რამდენად კონსტრუქციულია პრეზიდენტისა და ოპოზიციური სპექტრის მოთხოვნა საკონსტიტუციო რეფორმის შეჩერებასთან დაკავშირებით, რომელიც ორი მოსმენით უკვე დამტკიცებულია და აპირებს თუ არა არასაპარლამენტო ოპოზიცია საკუთარი წინადადებების შეთავაზებას მმართველი გუნდისთვის; რატომ არ ხერხდება შეხვედრა მმართველ და ოპოზიციურ პარტიებს შორის როცა ამ მოლაპარაკებებისთვის მზაობას ყველა მხარე ადასტურებს, შესაძლებელია თუ არა კონსტიტუციის პროექტში მესამე მოსმენამდე აისახოს ოპოზიციური სპექტრის წინადადებები და შედგება თუ არა პოლიტიკური კონსენსუსი კონსტიტუციის პროექტის ირგვლივ თუ 2020 წლის საპარლამენტო არჩევნებისთვის პარტიების დაბლოკება დაშვებული იქნება?სტუმარი: ნიკა მაჭუტაძე–პარტია „სახელმწიფო ხალხისათვის“ თავმჯდომარე.

უკანონო ბორდერიზაცია / დიდი ოცეულის სამიტი / რეგიონული მიმოხილვა

რატომ გამწვავდა ბოლო პერიოდში სიტუაცია საოკუპაციო ხაზთან, რომელსაც ოსური მხარე და კრემლი სახელმწიფო საზღვრად მიიჩნევს და რა ბერკეტები აქვს თბილისს უკანონო ბორდერიზაციის შესაჩერებლად; შესაძლებელია თუ არა საქართველოს ხელისუფლების უფრო აქტიურმა პოლიტიკამ ან ქართული საზოგადოების პროტესტმა გავლენა იქონიოს ოკუპაციის პროცესზე და სად არის ან საერთოდ არსებობს თუ არა დღეს გამოსავალი შექმნილი ვითარებიდან; რამდენად სჭირდება საქართველოს დღეს დასავლეთის პრინციპული მხარდაჭერა და რამდენად მკაცრია ამჟამად დასავლეთი რუსეთის მიმართ საქართველოს საკითხში; რა გვაჩვენა დიდი ოცეულის სამიტმა – რატომ არ იდგა დღის წესრიგში საქართველოს პრობლემა პუტინისა და ტრამპის პირველ შეხვედრაზე და აქვს თუ არა აზრი მოსკოვთან დამოუკიდებლად საუბარს?სტუმრები: ირაკლი ბათიაშვილი - უშიშროების ყოფილი მინისტრი; ლევან გერაძე - კონფლიქტოლოგი; ალექსანდრე რუსეცკი - კავკასიის რეგიონალური უსაფრთხოების ინსტიტუტის დირექტორი წამყვანი: ზვიად ავალიანი

ლარში ფასდადების ვალდებულება; ეკონომიკური მიმოხილვა

რამდენად შეასუსტებს ჭარბ დოლარიზაციას ლარში ფასდადების ვალდებულება, რომელიც სრულიად საქართველოს მასშტაბით 1 ივლისიდან შევიდა ძალაში და რამდენად ეფექტიანად მიმდინარეობს ლარიზაციის პროცესი; ინარჩუნებს თუ არა ეროვნული ბანკი ხელოვნურად ლარის კურსს არსებულ ნიშნულზე, მაშინ როცა რეალურად ლარი უფრო მყარი უნდა იყოს და თუ ეს ასეა, რატომ არ აძლევს ეროვნული ბანკი ლარს გამყარების საშუალებას; რატომ ვერ მკვიდრდება საქართველოში ბიზნესის დაზღვევის პრაქტიკა და როგორ შეიძლება დაეხმაროს საზოგადოება მათ ვინც ე.წ. ელიავას ბაზრის ხანძრის დროს დაზარალდა და ბოლოს - როგორია ეკონომისტების გრძელვადიანი პროგნოზები ეკონომიკური ზრდის ტემპებთან და ვალუტის კურსთან დაკავშირებით ზაფხულის პერიოდში?სტუმრები: გიორგი ცუცქირიძე–„საქართველოს ბანკების ასოციაციის“ აღმასრულებელი დირექტორი; მიხეილ დუნდუა–ეკონომისტი.

ენძელა მაჭავარიანის პოზიცია მიმდინარე აქტუალური პოლიტიკური თემების შესახებ

რატომ მიიქცია საპარლამენტო უმრავლესობის წევრმა ენძელა მაჭავარიანმა ბოლო პერიოდში მედიის განსაკუთრებული ყურადღება და როგორია დეპუტატის არგუმენტები საკონსტიტუციო რეფორმის ყველაზე საკამათო პუნქტებთან დაავშირებით; რას ფიქრობს “ქართული ოცნების” საპარლამენტო წარმომადგენელი აგდილობრივი თვითმმართველობის მოახლოებულ არჩევნებზე, როგორია პოლიტიკაში ჟურნალისტიკიდან მოსული დეპუტატის პოზიცია საზოგაგოებრივ მაუწყებელში მიმდინარე რეფორმაზე, რას ელოდება ეკლესიასთან განსაკუთრებული კავშირის მქონე პოლიტიკოსი მართლმადიდებელ პარლამენტართა ასამბლეისგან, რომელიც 2019 წელს საქართველოში გაიმართება და ბოლოს – როგორია პარლამენტის გარემოსა და ბუნებრივი რესურსების დაცვის კომიტეტის პოზიცია ბოლო პერიოდში მედიაში გახშირებულ საგანგაშო მასალებთან დაკავშირებით რომლებიც საქართველოში არსებულ მძიმე ეკოლოგიურ მდგომარეობას გვახსენებს?სტუმარი: ენძელა მაჭავარიანი – საპარლამენტო უმრავლესობის წევრი.

არასაპარლამეტო ოპოზიცია და ადგილობრივი არჩევნები; ჯანი ბუკიკიოს ვიზიტი

რა არის კონსტიტუციის ორი მოსმენით უკვე დამტკიცებულ ცვლილებებში ყველაზე მეტად მიუღებელი “მცირე პარტიებისთვის” და უმჯობესდება თუ უარესდება ზოგადად ოპოზიციის მდგომარეობა კონსტიტუციური ცვლილებების ამოქმედების შემდეგ; აპირებს თუ არა არასაპარლამენტო ოპოზიცია შეთანხმებულ მონაწილეობას მომავალ თვითმმართველობის არჩევნებე და როგორ უნდა გავიგოთ ცალკეული ოპოზიციური ლიდერების მხრიდან მოწოდება სახელისუფლებო შენობების პიკეტირებისკენ საკონსტიტუციო ცვლილებების მესამე მოსმენის დროს; რატომ გამოაქვს სხვადასხვა დასკვნა ხელისუფლებასა და ოპოზიციას ვენეციის კომისიის ერთი დასკვნისგან და შესაძლებელია თუ არა ჯანი ბუკიკიოს ვიზიტმა საქართველოში პასუხი გასცეს ყველა კითხვას კონსტიტუციის რეფორმასთან დაკავშირებით?სტუმრები: კახა კუკავა – პარტია „თავისუფალი საქართველოს“ თავმჯდომარე; ზურაბ ხარატიშვილი – „სამოქალაქო ალიანსი თავისუფლებისთვის“ ხელმძღვანელი.

მართვის მოწმობის 100 ქულიანი სისტემა / უკონტაქტო პატრულირება

რა იცვლება საგზაო მოძრაობის შესახებ საქართველოს კანონში 1 ივლისიდან და რა უნდა ვიცოდეთ ე.წ. 100 ქულიანი სისტემისა და უკონტაქტო პატრულირების შესახებ საქართველოს მოქალაქეებმა; რამდენად შეამცრებს ახალი სისტემა ავტოსაგზაო შემთხვევების რაოდენობას, აღნიშნული ცვლილებების გარდა კიდევ რა ინიციატივებზე მუშაობს შინაგან საქმეთა სამინისტრო და დაემატება თუ არა მიმდინარე წლის ბოლომდე მართვის მოწმობის გამოცდას ქალაქში მართვის კომპონენტი, რომელიც საგრძნობლად გაართულებს მართვის მოწმობის აღებას?სტუმარი: ქეთევან ტატუაშვილი – შსს კვლევის და გავითარების დეპარტამენტის წარმომადგენელი.

კონფლიქტები და სახალხო დიპლომატია

რა დონეზეა დღეს სახალხო და არაოფიციალური შერიგების ფორმატები ქართულ, აფხაზურ და ოსურ საზოგადოებებს შორის და არსებობს თუ არა აფხაზურ და ოსურ საზოგადოებებში სურვილი და განწყობა სახალხო დიპლომატიის ფორმატების გააქტიურებისთვის; შესაძლებელია თუ არა ოჯახურმა ან ეკონომიკურმა კონტაქტებმა სერიოზული როლი ითამაშონ კონფლიქტის მხარეების დაახლოებაში და რა შეიძლება გააკეთოს სახელმწიფომ ასეთი კონტაქტების წახალისებისთვის?სტუმრებ: რეზო ბენდელიანი – „ქართულ-აფხაზური შერეული ოჯახების“ კავშირის თავმჯდომარე; მზია ხეთაგური – პოეტი.

ჟენევის დისკუსიების მე-40 რაუნდი; აფხაზეთში შექმნილი კრიმინალური და პოლიტიკური ვითარების მიმოხილვა

რა შედეგებით დასრულდა ჟენევის დისუსიების მე-40 შეხვედრა და უახლოვდება თუ არა ჟენევის ფორმატი ჩიხს რომელშიც მხარეები დაახლოების ნაცვლად სულ უფრო შორდებიან ერთმანეთს; ცდილობს თუ არა მოსკოვი ჟენევის ფორმატის გაუქმებას და შედის თუ არა ამ ფორმატის შეწყვეტა თბილისის ინტერესებში; რამ გამოიწვია კრიმინალის განსაკუთრებული გააქტიურება აფხაზეთში ბოლო ორი კვირის მანილზე და მოსალოდნელია თუ არა აფხაზურ საზოგადოებაში გაჩენილ საპროტესტო ტალღას სოხუმის დე-ფაქტო ხელისუფლება შეეწიროს; რატომ ითხოვს ბოლო პერიოდში გალის ქართული მოსახლეობა რუსულ პასპორტებს და რას შეცვლის ქართული მოსახლეობისთვის დე-ფაქტო ხელისუფლების ცვლილება, თუ ასეთი სცენარი მართლაც მოსალოდნელია ვიხილოთ უახლოეს მომავალში?სტუმარი: ვახტანგ ყოლბაია – აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებული.

ნარკოპოლიტიკის ლიბერალიზაციის საკანონმდებლო პაკეტი

რას ნიშნავს ოთხსვეტიანი ნარკოპოლიტიკა და რას გულისხმობს კონკრეტულად საკანონმდებლო პაკეტი, რომელიც პარლამენტში დღეს დარეგისტრირდა და რომლის შემუშავებაშიც 41 არასამთავრობო ორგანიზაცია იყო ჩართული; მოხდება თუ არა ამ კანონპროექტის თანახმად ნარკოტიკული საშუალებების მოხმარების დეკრიმინალიზაცია და არის თუ არა აღნიშნული კანონპროექტი იმ ორგანიზაციების საბოლოო მიზანი, რომლებიც ბოლო რამდენიმე წლის განმავლობაში აქტიურად აყენებდნენ ნარკოპოლიტიკის ლიბერალზიაციის მოთხოვნასსტუმრები: კახა კვაშილავა - ზიანის შემცირების საქ. ქსელის აღმასრულებელი დირექტორი; გიორგი გურგულია - მსახიობი; ნინო დარსაველიძე - ნარკოტიკების მომხმარებელთა საქართველოს ქსელის აქტივისტი. წამყვანი: ზვიად ავალიანი

სოციალ-დემოკრატების საგანგებო განცხადება / კონსტიტუცია და 94-ე მუხლი

რა სპეციალურ განცხადებას მოვისმენთ მალე ქართველი სოციალ-დემოკრატებისგან და რას ნიშნავს პოლიტიკური ბრძოლა კონსტიტუციიდან 94-ე მუხლის ამოსაღებად; დაუჭერენ თუ არა მხარს სოციალ-დემოკრატები კონსტიტუციური ცვლილების პროექტს მესამე მოსმენაზე და 94-ე მუხლის გარდა, კიდევ რომელ დებულებებს აკრიტიკებენ ან რის დამატებას ითხოვენ სოციალ-დემოკრატები საქართველოს კონსტიტუციაშისტუმარი: ბექა ნაცვლიშვილი - ფრაქცია „სოციალ-დემოკრატების“ წარმომადგენელი წამყვანი: ზვიად ავალიანი

საკონსტიტუციო ცვლილებების განხილვა პარლამენტში

რამდენად ჯანსაღად წარიმართა საკონსტიტუციო რეფორმის პროცესი საქართველოში და რამდენად ადეკვატურია პოლიტიკური სპექტრისა და არასამთავრობო სექტორის ერთი ნაწილის აქტიური პროტესტი ამ პროცესის მიმართ; შესაძლებელი იყო თუ არა ფართო საზოგადოებრივი და სამოქალაქო კონსენსუსის მიღწევა კონსტიტუციის ირგვლივ და შესაძლებელია თუ არა ასეთი კონსენსუსი შედგეს პოსტ-ფაქტუმ – მას შემდეგ რაც პოლიტიკური ვნებათაღელვა შედარებით დამშვიდდება; რამდენად გაითვალისწინა მმართველმა გუნდმა ვენეციის კომისიის რეკომენდაციები, რა იცვლება რეალურად საქართველოს კონსტიტუციაში, როდის შედის ეს ცვლილებები ძალაში და რამდენად უფრო პროგრესული იქნება ცვლილებების ამოქმედების შემდეგ ქვეყნის ძირითადი კანონი დღეს მოქმედ რედაქციასთან შედარებით?სტუმრები: ბაქარ ბერეკაშვილი - საზოგადოებრივი მაუწყებლის პოლიტიკური ანალიტიკოსი; კოტე ჩოკორაია –კონსტიტუციონალისტიწამყვანი: ზვიად ავალიანი

უმრავლესობის შეთანხმება კონსტიტუციის პროექტთან დაკავშირებით

როგორ აფასებს მიმდინარე საკონსტიტუციო რეფორმის დასკვნით ეტაპს კონსტიტუციონალისტი ავთანდილ დემეტრაშვილი და რამდენად ასრულებს ვენეციის კომისიის რეკომენდაციებს “ქართული ოცნება” რომელიც საკონსტიტუციო უმრავბლესობით არის წარმოდგენილი პარლამენტში; ამთავრებს თუ არა შემოთავაზებულ ცვლილებები საპარლამენტო რესპუბლიკაზე გადასვლის პროცესს, რომელიც ჯერ კიდევ 2010 წელს დაიწყო და როგორ შეიძლება გადაწყდეს 2010 წელს საკონსტიტუციო ცვლილებზე მომუშავე კომისიის თავმჯდომარის აზრით დღევანდელ პროექტთან დაკავშირებული ყველაზე საკამათო პუნქტები?სტუმარი: ავთანდილ დემეტრაშვილი – კონსტიტუციონალისტი.

ვენეციის კომისიის დასკვნა / „შენების მოძრაობის“ პოლიტიკური გეგმები

როგორ აფასებს კონსტიტუციონალისტი, რამდენიმე საკონსტიტუციო კომისიის წევრი და მე-8 მოწვევის პარლამენტის იურიდიული კომიტეტის თავმჯდომარე ვახტანგ ხმალაძე ვენეციის კომისიის დასკვნას, საკონსტიტუციო რეფორმის აქტუალურ საკითხებსა და კონსტიტუციური მონარქიის იდეას, რომელიც პატრიარქის გუშინდელი ქადაგების შემდეგ კიდევ ერთხელ გააქტიურდა; რას ფიქრობს ახლად შექმნილი „შენების მოძრაობის“ ერთ-ერთი სახე მოძრაობის ფუნქციისა და შანსების შესახებ და რამდენად ამბიციური განაცხადით ბრუნდება რეალურად დავით უსუფაშვილი ქართულ პოლიტიკაში.სტუმარი: ვახტანგ ხმალაძე – „შენების მოძრაობის“ წევრი წამყვანი: ზვიად ავალიანი

არგუმენტების დრო

"არგუმენტების დრო" - არის საზოგადოებრივ-პოლიტიკური თოქ-შოუ, სადაც მნიშვნელოვანი ადგილი ეთმობა იმ კანონპროექტების განხილვას, რომლებიც პარლამენტის მიერ საბოლოო მოსმენით ჯერ არ არის მიღებული. სტუდიაში მოწვეული სტუმრები არიან კონკრეტული კანონპროექტის ავტორი და ოპონენტი, რომლებიც განიხილავენ კანონპროექტის დადებით და უარყოფით მხარეებს. საკითხის განხილვაში ასევე, მონაწილეობენ დარბაზში მოწვეული სტუმრები: ექსპერტები, საპარლამენტო თუ არასაპარლამენტო პარტიის წარმომადგენლები. გარდა ამისა, გადაცემის ფორმატი ითვალისწინებს კვირის აქტუალური თემის განხილვას, რომელშიც ასევე მიიღებენ მონაწილეობას ექსპერტები, სხვადასხვა პარტიებისა და საზოგადოების წარმომადგენლები. თოქ-შოუ საზოგადოებას ხელს შეუწყობს ამა თუ იმ კანონის არსის მნიშვნელობისა და მისი აუცილებლობის გააზრებაში. აქტუალურ თემასთან დაკავშირებული გადაცემები გამოკვეთს საზოგადოების დამოკიდებულებას უმნიშვნელოვანესი პრობლემებისადმი და წარმოაჩენს მათი გადაჭრის გზებს.

ტელეფონი: 2 40 90 75
Facebook.com/ArgumentebisDro

კატეგორიები

PRIMETIME

საღამოს ეთერი

დღის ეთერი

დილის ეთერი

გუნდის წევრები

უახლესი

A PHP Error was encountered

A PHP Error was encountered

A PHP Error was encountered

A PHP Error was encountered

A PHP Error was encountered

A PHP Error was encountered

A PHP Error was encountered

A PHP Error was encountered

კატეგორიები

PRIMETIME

საღამოს ეთერი

დღის ეთერი

დილის ეთერი

გუნდის წევრები

უახლესი