განათლება: 2011 წელს დავამთავრე შოთა რუსთაველის სახელობის თეატრისა და კინოს სახელმწიფო უნივერსიტეტი, ხელოვნებისა და სოციალურ მეცნიერებათა ფაკულტეტი, სპეციალობა - ტელე-რადიო ჟურნალისტიკა. სამუშაო გამოცდილება: ჩემი პირველი  კავშირი ტელევიზიასთან,  „პირველი არხის“ დილის გადაცემაში სტაჟირების პერიოდში შედგა, შემდეგ  ტელეკომპანია „ინფო TV “- ში გავაგრძელე მუშაობა. პირველი ჟურნალისტური გამოძიება ინტერნეტგამოცემაში „ახალი 7 დღე“ მუშაობისას მოვამზადე, სათაურით „კომუნალური ძარცვის ქართულ-რუსული ტანდემი“.  2009 წელს კი, როგორც რადიოპროექტ  „იღბლიანი დებიუტის“ ფინალისტმა, გადაცემა ტურიზმის თემაზე  მოვამზადე. ბოლო ორი წელი ჩემი პროფესიისგან სრულიად განხვავებულ, საბანკო სფეროში მომიწია მუშაობა. 2015  წლის პირველი მარტიდან ვარ  საზოგადოებრივი მაუწყებლის „მეორე არხის“ ჟურნალისტური გამოძიების პროექტის „გამომძიებელი რეპორტიორის“ ჟურნალისტი.